صفوة: «كنت هنتحر بسبب قبلة في فيلم هي فوضى»
كشفت الراقصة صفوة أنها فكرت في الانتحار بعد مشاركتها في فيلم "هي فوضى"، مشيرة إلى أنها كرهت نفسها وكرهت الفن كله.
وأضافت خلال لقائها ببرنامج "نص الكلام" الذي تقدمه الإعلامية راغدة شلهوب بقناة "النهار": "أنا مشكلتي مع الناس إني تاريخي الفني اتحصر في فيلم هى فوضى، فالعمل الوحيد اللي أنا غير راضية عنه هو اللي أشاد به الناس".
وتابعت: "كون إن يحصل بوسة في فيلم مفيهاش مشكلة وشوفنا نجمات كبار بيتباسوا، لكن أنا لما عملت المشهد بتاع فيلم هى فوضي، لما شوفته على الشاشة كنت غير راضية".
واستكملت: "بعد الفيلم تخنت جامد ومكنتش عارفة أخرج من البيت وجالي اكتئاب، وقعدت في هذه الفترة لـ5 سنين، وطول الوقت كانت فكرة الانتحار تراودني بس كنت باستغفر ربنا، واللي طلعني من المحنة وحيد حامد".
