والد زوج عروس الإسماعيلية: «كنت بديها الأكل بنفسي وترفضه».. فيديو
كشف والد زوج مها المعروفة إعلاميا بعروس الإسماعيلية، عن تفاصيل مثيرة في واقعة الخلاف، قائلا: "كانت لسه راجعة بيتها ليه وجريت وهربت مننا وفضلت أقولها ليه يابنتي إحنا عاملين إيه فيكي".
وأضاف والد زوج عروس الإسماعيلية، خلال لقائه ببرنامج "تفاصيل"، المذاع على فضائية "صدى البلد"، أن ابنه لم يحرمها من أي شىء تريده، قائلا: التلاجات مليانة اكل وخضار ولحمة وفاكهة والدنيا جميلة وكنت بجيبها تقعد جنبي وكنت باكلها بنفسي واديها الاكل وماكنتش ترضى تاخد مننا حاجة".
وتابع: "المشاكل كانت بتكبر وكنا بنحاول نستر الدنيا والفضايح وحشة وإحنا في الصعيد واللي بيحصل ده غريب علينا وأشهد الله إن إحنا ما حبسنهاش وهي كانت بتتخانق مع جوزها وبتسيب البيت".
واستكمل: "ابني ماكنش يسيبها ابدأ وكانت أخته تفضل تقعد معاها علشان بتخاف تقعد لوحدها لحد ما يجي من الشغل".
