الفنانة صفاء جلال: زوجي قالي مش هتعملي دور رقاصة تاني
أوضحت الفنانة صفاء جلال رد فعل زوجها لها بعد أن جسدت دور راقصة في مسلسل امرأة من زمن الحب، كما وجهت نصيحة إلى السيدات للحفاظ على زواجهم.
وحلت الفنانة صفاء جلال ضيفة عبر إحدى البرامج التلفزيونية، وتحدثت عن زوجها ودورها في مسلسل امرأة من زمن الحب، حيث قالت: الحقيقة إن جوزي قالي مش هتعملي دور رقاصة تاني، اتجوزته على طول بعد الدور في امرأة من زمن الحب على طول، قالي هنكمل تمثيل، بس مفيش رقاصة تاني، وعشان كده معملتش دور رقاصة تاني، وبعد الدور كان كل الأدوار اللي بتجيلي رقاصة بس، بعد كده ريحت شوية وطلعت بأعمال مختلفة، وعجبت الجمهور.
وتابعت صفاء جلال: هو الجواز عامة تفاهم واحترام، وحاجات كتير لازم نبقى إحنا الاتنين في المركب مع بعض، ونشوف إيه اللي يزعل التاني ومنعملهوش، والست بتتنازل عشان المركب تمشي، بس في نفس الوقت بتتنازل في الحق، واحترمته جدًا في وجهه نظره، ولما خلفت بنات كان الموضوع مختلف، ولما الدور بيجيلي بشوف لو في أي محاذير أخلاقية مش بعمله، حتى لو هيعملّي إيه.
