بعد انتقاده لوالده.. أحمد فلوكس يقصف جبهة محمد رمضان: «عينك على دور الرقاصة»
هاجم الفنان أحمد فلوكس، محمد رمضان، بعد انتقاده لدور والده فاروق فلوكس، وبالتحديد دور "صبي الراقصة".
وكتب فلوكس عبر حسابه على "فيسبوك": "شوف يا حمادة، أنت ترفض تعمل دور صبي رقاصة لأنك دايمًا نمبر وان، فأكيد هتبقى عينك على دور الرقاصة نفسها، مش الصبي بتاعها".
وتابع: "أنت ما شاء الله ناجح في ده جدًا، وبتعمله سهل وأنت عريان ما دريان، نمبر وان بقى يا سيدي، زي بالظبط ما يكون واحد مسجل نشل، استحالة يحلم يكون أمين شرطة، حلمه هيكون أكبر من كده، هيكون نمبر وان".
وأكمل فلوكس: "أنا والدي عمل دور صبي رقاصة لأنه بيعشق التمثيل والأدوار الصعبة، والحمد لله إنه ربى رجل بيحترم نفسه وبيحترم اللي بيقدمه للناس، وبيحترم بلده، ودمه فداء ليها، لأن شعب بلده هم اللي عملوه فلازم يقدملهم أحسن حاجة".
