فتاة تروي تفاصيل تعرضها للتحرش داخل مستشفى: قالي هغيرلك على الجرح «فيديو»

عرضت قناة العربية، اليوم الثلاثاء، مقطع فيديو، لفتاة تدعى ياسمين متعب، تروى تفاصيل تعرضها لواقعة داخل مستشفى، مؤكدة أن ممرضا داخل المستشفى قام بالتحرش بها أثناء خضوعها لعملية جراحية.

وسردت الفتاة خلال الفيديو المعروض، تفاصيل الواقعة، قائلة: "أنا كنت تعبانة وعملت عملية ويوم ما خرجت من العمليات الحد اللى بقى مسئول عنى أو اللى بقا معايا فى الغرفة بعد العملية ولد، وبعد العملية بـ 6 ساعات اتحرش بيا، وأنا طلبت من المستشفى أن الولد ده يتغير ويجيبوا بنت قالوا لى ما عندناش بنات".

وتابعت: "قانونا المفروض إن أنا بنت وممنوع يبقى معايا ولد بس أنا طبعا كنت أجهل بحاجة زى دى علشان كان أول مرة فى حياتى ادخل مستشفى، وأنا كنت عامله عمالية زايدة فيها غرغارينا".

وأكملت: "أنا الحمد الله عرفت أدافع عن نفسى فى ساعتها، والموضع عدى بس أنا بعد التحرش ده قلت إن الولد ده ما يدخليش الأوضة تانى والولد دا دخلى بعدها 3 مرات، والكاميرات كانت جايبه إن هو طلع صحبتى اللى كانت معايا فى الأوضة وده ممنوع يوم العملية، وكان بيحاول يغيرلى على الجرح يوم العملية وأصلا دا ممنوع".

وأردفت: "أنا مش هسيب حقى خاصة بعد حصول الممرض على براءة"، معقبة: "أنا عايزة أى حد يشوف الفيديو ده يساعدنى أخد حقى أنا بجد عايزة حقى".