صدمة.. زوجة شريف منير لبناتها: «إنتوا بتموتوني.. كل يوم بشحتكم وبتهربوا مني»
صُدم الجمهور أمس من تصريحات لورا عماد زوجة الفنان شريف منير التي انتقدت فيها بناتها فريدة وكاميليا بشدة.
ونشرت الفنانة لورا عماد مقطع فيديو على حسابها الشخصي بموقع الصور الشهير «إنستجرام» ظهر فيه زوجها الفنان شريف منير مع العائلة أثناء تناولهم العشاء في أحد المطاعم، وكتبت معلقة على الفيديو: «رسالة إلى بناتي فريدة وكاميليا.. بما إنكم خلاص قررتوا تبقوا مش في حياتي بعد ما اديتكم عمري وصحتي وحبي واهتمامي وضحيت عشانكم كتير!! وكل مدارسكم بمدرسينكم بدكاترتكم بأصحابكم بأمهات أصحابكم يشهدوا بإن أنا كنت أم عاملة إزاي!».
وأضافت لورا عماد: «بقولكم مبروك عليكم عيلتكم الجديدة! وهقولكم حاجة واحدة بس! اللي مالوش خير في أمه ملوش خير في حد! بتمنالكم كل خير وصحة وإن ربنا يهديكم في يوم من الأيام! بس ربنا موجود وكبير قادر على اللي عمل فيكم كده إنه يرده ليه في يوم من الأيام! مامي لورا يمكن تكونوا نسيتوا اسمي».
وردت كلًا من فريدة وشقيقتها كاميليا على والدتهم حيث عبروا عن استياءهم مما فعلته، حيث كتبت فريدة: «ليه بتعملي كده؟ ليه بتخلي شكلنا كده قدام الناس؟»، لترد والدتها: «إنتوا بتموتوني كل يوم وأنتِ عارفة كده كويس، ربنا يهديكي صحيح الزن على الودان أمر من السحر».
ومن جانبها كتبت كاميليا شريف منير: «عمرنا ما بعدنا عنك، وغير كده أنا كنت لسة قاعدة معاكي امبارح ومكنتش عارفة إنك بتفكري في كده»، لترد والدتها: «أنتم عارفين كويس أوي إني بشحتكم وبتهربوا مني، ربنا موجود ويهديكم من الزن اللي على ودانكم».
