شقيق شيماء جمال لوالدتها: أختي في القبر بتتوجع بسبب الصور «فيديو»
وجه إكرامي شقيق الإعلامية المقتولة شيماء جمال رسالة إلى والدتها، قائلًا: «بعد إذن خيلاني أنا مش قادر أقول لأمي أنا أختي اللى في التربة دفنتها بإيدي بتقولي رسالة متخلوش أمي تعلق صوري على التربة، ازاي يا أمي بتعلقي صورها بالألوان على قبر أختي».
وأكمل إكرامي خلال حواره مع الإعلامي أحمد رجب مقدم برنامج «مهمة خاصة»: «أختي موجوعة أوي وأنا الوحيد اللي حاسس بيها عشان أنا بحب أختي أوي، أنا صعبان عليا نفسي».
وكشف شقيق الإعلامية المقتولة، تفاصيل مثيرة عن علاقته بأمه وشقيقته المقتولة، وتسببهما في حرمانه من ابنته الوحيدة، قائلًا: «أختي فيه حجات كتيرة بعدتني عنها، وخيلاني يشهدوا بالكلام اللي هقوله دلوقتي، والكلام اللي هقوله صعب على أي حد، أنا ممكن أكون بعيد عن شيماء بسبب المستوى اللي هيا بقت فيه، وأنا شغال في السوق».
وأكمل: «أنا بحب ولدتي أوي فوق ما أي حد يتخيل رغم اللي عملته معايا طول السنين اللي فاتت، ويكفينا شر الدنيا، وولدتي هيا اللي بعدتني عن شيماء، من وأمي قست علينا اوي والبعيد عن العين بعيد عن القلب، وشفت أمهات كتير مهما عمل عيالها بتعاملهم بحب، بس مشفتش زي الست دي والدتي».
وأردف إكرامي: «أنا عاوز أفاجئ الناس بمفاجأة كبيرة أمي بقالها أكتر من 3 سنين مش بتكلم شيماء، وخلود دي أمها عمة أمي، وأنا أول مرة أدخل شقة شيماء في كومباوند أكتوبر كان من كم يوم، خلود قالت جملة، وأنا معايا بنت محروم منها والسبب أمي وشيماء من سنة ونص، وخالتي سامية تشهد على الكلام ده، أنا عندي 39 سنة وشفت حجات ربنا ميكتبها على حد، وبعدي عن أختي كان غصب عني والسبب فيه أمي، لما روحت شقة شيماء اللي في أكتوير ضربوني الساعة 2 الفجر، وخالي أخو أمي فتشني وأنا رايح أواسي أمي، وهما اللي حرموني من بنتي وأمي هيا السبب خربت بيتي».
وقال شقيق شيماء جمال: «كنت عاوز أقرب منهم وأروح عند ستي أم دعاء، وشيماء قويت بخالتي أم صبحي، وشيماء خدت قسوة القلب من أمها أمي، وآخر مرة اتقابلت مع شيماء كان من سنة شتمتني في التليفون، والبعد الاجتماعي للقضية، والتفرق الأسري هو سبب موت شيماء أختي، وطالب من والدتي إنها تسامحني على أي حاجة، وشيماء بقيت قاسية من الأسى اللي شافته مشافتشي حنية في حياتها».
يشار إلى أن الإعلامية شيماء جمال لقيت مصرعها على يد زوجها القاضي السابق بمجلس الدولة، والذي تم القبض عليه لاحقًا وتجرى الآن محاكمته.
