واقعة «كوافير المحلة» تُثير جدلًا كبيرًا على مواقع التواصل.. ما القصة؟
آثارت واقعة إجبار صاحبة مركز تجميل في المحلة عروس على غسل وجهها بعدما زينتها حالة كبيرة من الاستياء على صفحات التواصل الاجتماعي.
وتعود تفاصيل الواقعة حينما توجهت إحدى الفتيات إلى مركز تجميل بمدينة المحلة، وطلبت من صاحبة المركز وضع مساحيق تجميل بسيطة وغير مكلفة "سواريه".
وعقب أن أنهت صاحبة المركز تجميل الفتاة تبين أنها العروس، مما آثار غضبها وطلبت من العروس دفع 1000 جنيه إضافية، وعندما رفضت قامت صاحبة المركز بغسل وجه العروس وإزالة المكياج.
ونشرت عقب ذلك صاحبة المركز "الميكب ارتيست"، منشور تتباهى فيه بموقفها ولكن فوجئت بكم كبير من الانتقادات من قبل رواد صفحات التواصل الاجتماعي مما أصابها بأزمة صحية انتقلت على إثرها للمستشفى.
وقالت ناشطة وتدعى ندى أشرف: بعيدًا عن أي حوار بس فعلا معاها حق أنتى كـ ميكب ارتست عاملة أسعار للسواريه والهاي سواريه والخطوبة والفرح، أنا واحده عاوزه أكون عروسة واحط هاي سواريه إنتي بقى مالك مش فاهمة؟، إنتى عاملة قيمة وماتيريال معينة مقابل سعر معين، وأنا اختارت اللي يناسبني واديتك فلوسه اللي إنتي محدداها يعني لا خدت منك زيادة ولا استخدمت ماتيريال أعلى يعنى تعمليلي بالفلوس بتاعتي ابقى عروسة بقى ابقى عريس ملكيش فيه المهم تعمليلي باللي دفعاهولك اللي هو تمن إنتي محدداه وبنفس الماتيريال انشاله لو فرحي وجاية أعمل ميكب سواريه أبو ٣٠٠/٤٠٠ج مش فاهمة أيه الجشع والقرف اللي بقيتوا فيه ده والله!.
وعلقت أخرى: الميكب ارتيست بجد معندهاش قلب ولا بتحس و غلطانه طبعا بس في الحاجة هي بردو أكيد حست أنه اضحك عليها، كان ممكن البنت تبقى صريحة من الأول و تقولها أنا عروسة و ظروفي تسمح بـ ميكب سواريه بس فاعملي ده بإمكانياته و لو مردتش تشوف غيرها بس بردو في الأول و الأخير الميكب ارتيست قلبها أسود.
