الرئيس السيسي يوجه تحية تقدير للسادات بطل الحرب والسلام

تحدث الرئيس عبد الفتاح السيسى خلال الندوة التثقيفية للقوات المسلحة الـ34 قائلا: "مفيش مقال اتكتب فى جرايد مصر من وأنا عندى 9 سنين إلا لما كنت أقرأ عنه وعن حالنا باختلاف كتابنا وألوانهم واتجاهاتهم ..ومكنش فيه ثقة إن إحنا نقدر نعبر ونحقق اللى حققناه".

ووجه الرئيس السيسى التحية والتقدير للرئيس الراحل محمد أنور السادات، حيث قال: "قرار العبور والجيش المصرى اللى قدم بكل عزم وقوة وتضحية من أجل تحقيق هذا النصر كل التحية لشهدائهم والأسر التى أفرزت هذه الحقبة مش هنسى شهدائنا ومصابينا اللى قدمهم الشعب المصرى من الجيش والشرطة والقضاء وكل المجتمع كل التحية ليهم ولأسرهم اللى قدموا من أجل إن إحنا نبقا موجودين دلوقتى وزى ما انتوا شايفين احنا فى نعمة وسلام وربنا يديمه علينا ولسه بعزيمة الرجال هنحقق اكتر من كده واستقرار أفضل من كده وقدرة أعز من كده".

وتابع الرئيس السيسي: "فيه جدار تانى محدش أتكلم عنه، دايما أدبيات وثقافة كل عصر تشكل حاجز وجدار أمام صناع القرار فى عصرهم، لأنها قد تكون واضحة بالنسبة لهم وقد تكون عندهم القدرة والاستعداد لاقتحامها لكن كان بيتعامل مع أدبيات مستقرة قد لا يكون فيه كثير يستطيعوا رؤية هذا التجاوز بعتبر إن قرار الرئيس السادات ومبادرته للسلام، هى قدرة على قراءة واستعداد لتجاوز أدبيات مستقرة فى عصره".