صدفة غريبة تجمع فنانات الزمن الجميل عند طبيب الأسنان.. التفاصيل صادمة
صدفة غريبة جمعت بين الفنانة سهام جلال، والفنانة صفاء جلال، عند طبيب الأسنان، لتقوم الأولى ببث فيديو على صفحتها الرسمية على موقع تبادل الصور والفيديوهات "إنستجرام".
وعند ظهورهما في فترة التسعينات معا، وبسبب تشابه في الشكل إلى حد كبير، وكذلك تشابه اسم الأب، اعتقد الجميع أنهما أخوات، وربما كان هذا السؤال الأشهر لكثير من متابعينهما.
وردت الفنانة صفاء على هذا السؤال في بداية الفيديو، قائلة: «يا جماعة أنا بحب سهام جدا، وبدأنا مع بعض أفلام ومسلسلات كتير، وكمان إعلانات وكبرنا مع بعض، بس هي لو أختي هقول وهي كمان هتقول لو أنا أختها مش هنخبي أبدا».
لتتحدث سهام هي الأخرى: «أنا بحبها جدا والله بس يا جماعة الموضوع مش أخوات خالص أحنا زملاء، وهي صاحبتي وحبيبتي، إحنا حبايب وزملاء وصحاب بس مش أخوات».
لتقاطعها صفاء: «بلاش يا جماعة الناس تقول بقلب أوي أننا أخوات عشان مش دي الحقيقة، والله أحنا مش أخوات أحنا مجرد زمايل وصحاب وممكن نكون أكتر من الأخوات».
وقالت سهام فى نهاية الفيديو: «أنا بجد ما صدقت أني أعمل الفيديو ده عشان أقول لكل الناس إنه أنا وهي مش أخوات الناس بتتعامل أننا كده بجد».
وجاءت ردود بعض المتابعين على الفيديو ضاحكة، حيث كتب أحدهم: «لا أنتوا أخوات أيش عرفكم أنتوا»، ورد آخر: «وحشتونا جداا بجد وإزاي مش أخوات لا أكيد أخوات»، وعلق آخر بـ «دمكوا سكر بجد بس كل مصر عارفة أنكوا أخوات».
