«الكبير أوي 6».. تعليق رحمة أحمد بعد مقارنتها بـ دنيا سمير غانم

أعربت الفنانة رحمة أحمد، عن سعادتها البالغة بردود أفعال الجمهور عن دورها في مسلسل «الكبير أوي 6» الذي يُعرض حاليًا على شاشة قنوات «On E» ويقوم ببطولته الفنان أحمد مكي.

حيث كتبت على صفحتها الرسمية عبر موقع التواصل الاجتماعي «فيس بوك» قائلة: «أنا مش عارفة أعبر أن احساسي بالإمتنان الحمدلله والشكر لله اي حاجة حلوة حصلت أو اتقالتلي ده كرم كبير أوي من ربنا يمكن أكبر من اللي استحقه عاوزة أقول 3 نقط».

وأضافت: «الأولي وهفضل اقول البوقين دول كل ما حد يشاور النقطة دي أن فنانة زي دنيا سمير غانم لا تقارن بحد انا مش حد خالص أنا من فانز دنيا سمير غانم لأن لو اتحطينا في مقارنة من المؤكد اني أنا اللي هبقى خسرانة».

وتابعت: «الثانية بعد توفيق ربنا أن فنان زي أحمد مكي يدي مساحة لحد يقول حاجة مبتحصلش من أي فنان موجود عالساحة الراجل ده عنده اللي يكفيه وزيادة انه يسيب فنان قدامه يقول وهو سايب ايده مهما اتكلمت عنه مش هوفيه حقه فنيا ولا إنساني، المبدع احمد الجندي ميتخيرش عنه يسيبك تقول وعليك ويركبلك شغل وذكي يعرف يطلع ضحك من أي شخصية ويحطها في مكانها الصح».

وعن الفنان أحمد أمين قالت: «الثالثة ليك انت يا حبيب قلبي اخويا الكبير الداعم المستمر بكل الطرق صادق في فرحته أنا مهما حكيت عاللي عملته معايا عشان اوصل اني ابقا في عمل من أهم الاعمال في رمضان مش هكفي فيك كلام شكرًا أحمد أمين الاخ والفنان والانسان انك دايما جنبي».

واختتمت رحمة أحمد حديثها قائلة: «أحمد امين أحمد مكي..أحمد الجندي انتو مكسب لاي فنان ولاي شخص وبشكر ربنا دايما ان ربنا كتبلي اني اعرفك وشكرا لاي حد دعمني حتي لو بكلمة كويسة وبالاخص صلاح الدالي..فنان هياخد حقه كويس جدا ويستاهل اكتر بحبك يا صلوحة.. شكرا لاي حد وقف جنبي واللي اداني ضهره وربنا لاوريك».

ويضم «الكبير أوي 6» كوكبة من النجوم منهم: أحمد مكي، بيومي فؤاد وهشام إسماعيل ومحمد سلام، وغيرهم وهو من تأليف مصطفى صقر، وإخراج أحمد الجندي.