حمو بيكا يرد على قرار وقفه من نقابة الموسيقيين
كشف مؤدي المهرجانات حمو بيكا عن إحالة نقابة المهن الموسيقية له للتحقيق بسبب الأغنية التي قام بغنائها مؤخرًا، وقد وُجهت له اتهامات بالاساءة إلى مؤسسات الدولة من خلال كلمات الأغنية.
وقال حمو بيكا عبر فيديو في حسابه بموقع التواصل الاجتماعي “فيس بوك”: "الأغنية قلتها عادي وعمري ما أغلط وكنت بخدم في جيشي، ولو أعرف إن فيها ضرر أو غلط، عمري ما هنطقها، دي أغنية متداولة على يوتيوب وكل المطربين الشعبي بيغنوها، بس لما جيت غنتها الدنيا اتقلبت عليا".
وتابع:"لازم أوضح الرسالة دي عمري ما أقدر أغلط في بلدي، وفي أي حفلة بأي بلد برفع علم مصر على كتافي وببقى فخور، لو أعرف وغلاوة بنتي تاني عمري ما كنت هغنيها مش بقول كده عشان أرجع شغلي، رجعت مرجعتش طالع بقول إن عمري ما أغلط في بلدي".
وأضاف: "عملتوا حاجات كبيرة أنا مش قدها، آه مش بعرف لا أقرأ ولا أكتب بس بسمع اللي بيتقال، ليه تكبروا المواضيع معايا أنا بالذات، أنا مش حمل أي حاجة ولو أي حاجة هتبعدني عن بيتي وبنتي مش عايزها نهائي خالص، وياريت اللي بيكتب بلاش توصل الكتابة في حتة مش بتاعتنا، نخدم بلدنا برقبتنا".
