وداع حزين من القلب.. حمدي الميرغني ينعى خاله سليمان عيد بكلمات مؤثرة

في وداع مؤلم، عبّر الفنان حمدي الميرغني عن حزنه الشديد على رحيل خاله الفنان القدير سليمان عيد، من خلال كلمات مؤثرة نشرها على صفحته الرسمية بموقع "فيسبوك"، حيث وصفه بأنه كان قدوة ومثالا يُحتذى به في كل جوانب الحياة.

وقال الميرغني: "وداعًا يا خال، كنت رمزًا للكمال في كل حاجة.. كنت أب مثالي، زوج مثالي، أخ وصديق وفنان وإنسان مثالي، وده مش كلام عزاء، دي الحقيقة اللي كل اللي عرفوك يشهدوا بيها".

وتابع: "من أول لحظة في مشواري الفني، كنت دايمًا بتسعى لنجاحي أكتر مني، كنت بتعرفني على المخرجين والمنتجين وتديني النصايح، وعمري ما نسيت دعمك ليّا في كل خطوة".

وأضاف بحزن: "كل اللي عرف إني قريبك، كان يحبني قبل حتى ما يتعامل معايا، وده من طيب أخلاقك وسمعتك اللي دايمًا سبقاك.. عمري ما سمعت عن حد زعلان منك، لأنك ببساطة ما كنتش بتزعل حد".

واختتم كلماته قائلًا: "هفضل طول عمري فخور إنك خالي، كنت سهل في كل حاجة يا خال، إلا في لحظة فراقك.. الفراق كان صعب، ولسه هيفضل صعب.. ربنا يرحمك ويجعل مثواك الجنة".