شبهتها بالإطلالة النسائية.. ريهام سعيد تهاجم محمد رمضان

هاجمت الإعلامية ريهام سعيد إطلالة الفنان محمد رمضان الأخيرة، والتي شبهتها بالنسائية في حفلته بأمريكا، وهي الإطلالة التي أثارت الجدل على مدى الساعات الماضية.

وعلقت "سعيد" خلال تقديمها برنامجها "صبايا الخير" عبر شاشة النهار: "أنا مكسوفة إني عرضت الصورة، محمد رمضان مش محتاج التريند وإن الناس تتكلم عنه، ولكن بعض النجوم عندهم فكرة لما يطلع عني خبر سيئ فهو دعاية كويسة، وده مش حقيقي في مصر، لأن الناس بتقيم الفنانين بطريقة مختلفة".

وتابعت : "عايزة أسأل سؤال، ليه المنظر ده؟ الجمهور اللي موجود في الحفلة كان أغلبهم مصريين ورافعين علم مصر، وأكيد المصريين اللي عاشوا في أمريكا مش هيلبسوا كده".

وانهت ريهام سعيد حديثها قائلة: "عايزة أوجه رسالة من القلب للفنانين اللي ابتدوا يعملوا حاجات فيها تشبه بالنساء. حتى لو شايفين إن دي حاجة الغرب بيعملها ياريت ماننشروش في مجتمعنا قدام شبابنا وأولادنا إحنا مش ناقصين. بلاش الحلق والشعر يتصبغ أصفر، ولو عايز تلبس حلقه إلبسه في حياتك الشخصية".