مجدي الهواري: محمد صلاح مزاجنجي وعامل الحالة النفسية مؤثر جدا عليه
نفى المخرج مجدي الهواري، تصريح منسوب له بأنه اعترضت على مطالب محمد صلاح بأجر ضخم في ليفربول، قائلا: "الكلام ده مش مظبوط وكتبت بوست بعد ماتش نيوكاسل وأنا راجل كروي وبحب الكرة وكتبت أنه درس قاسي جدا أنهم خرجوا من البطولة دي امام نيو كاسل 2-1 بسبب إن ليفربول مش محققين مطالب صلاح".
وأوضح مجدي الهواري، خلال لقاءه ببرنامج "حبر سري"، مع الاعلامية اسما ابراهيم، المذاع على قناة القاهرة والناس، أن محمد صلاح برج الجوزاء وعامل الحالة النفسية مؤثر جدا عليه، مضيفا: "محمد صلاح مزاجنجي ولو أنت مش مظبطه نفسيا قبل اللعب بيظهر على تعبيرات وشه وأنا مخرج وعارف وهو مضايق".
وتابع: "محمد صلاح كان مش في حالته وحاطط في دماغه مستقبله مع ليفربول وأرقامه وليفربول طبعا منظومة كبيرة وهما أكيد فاهمين أن مزاج النجم مهم قبل لعب الماتش ومتعرضوش للنوع ده من الاصابات عشان ميتعرضش لإصابة ليست في صالحكم".
