فين التنمر.. هشام ماجد يرد على كل الانتقادات بشأن مسلسل أشغال شقة جدا

خرج الفنان هشام ماجد، عن صمته ليرد على كافة الانتقادات التى تعرض لها مسلسل “أشغال شقة جدا”، خلال لقاء تليفزيوني.

وقال هشام ماجد : "أنا مش حابب أرد على الانتقادات لأني شايف إنها مش في محلها، الكوميديا مبنية على فرضيات كتيرة، على شخص عنده مشكلة ينشأ منه الكوميديا مش معقول كل ما نتكلم عن حاجة يطلع ناس في السوشيال ميديا تقول دا تنمر، تنمر في إيه الطبيب الشرعي "حمدي" دا مهمل وفاشل بس في 10 تانيين في المسلسل كويسين، في أي شغلانة في ناس كويسة وناس فشله والضحك هيطلع منين؟".

أضاف هشام ماجد : إسلام مبارك التنمر عليها كان في إيه؟ هي ممثلة سودانية من بلد شقيقة وتؤدي دور أن عندها مشكلة أنها قوية وبتاكل كتير ، متريقناش على تخنها ولا على أي حاجة عنصرية، وكله كان في إطار الضحك وهي مكنش عندها مشكلة، والجمهور 99% منه معندوش مشكلة، دايما نلاقي حد يطلع كده اعتقد أنه عايز ينتقد لمجرد الانتقادات ، طالما العمل مفيهوش مشكلة يلا نعمل أي حاجة.

وتابع: أنا بحترم النقد لما يكون في محله أو يكون بناء والموضوع نرفزني، إحنا منقصدش، كله في إطار الضحك، يعني لو عملنا فيلم عن مهندس فاشل يبقى بنتريق على المهندسين، دكتور عنده مشكلة يبقى بنتريق على الدكاتره، شغاله بتعمل حاجة فئة الشغالات يزعلوا هنضحك منين؟ الكوميديا من ساعة ما اخترعوها مبنية على كده".

يقوم ببطولة مسلسل أشغال شقة جدا، كل من هشام ماجد فى دور الزوج، وأسماء جلال فى دور الزوجة، وشيرين فى دور والدة الزوج ، وسلوي محمد علي فى دور والدة الزوجة، ومصطفى غريب ، ومحمد محمود ، محمد عبد العظيم.