مسلم يتعرض لوعكة صحية
تعرض مسلم مطرب المهرجانات، لوعكة صحية مفاجئة، نقل على إثرها للمستشفى، دون الكشف عن أي تفاصيل.
ونشرت يارا تامر، خطيبة مسلم، صورة لأخير من داخل المستشفى، وظهر فيها وبيده «كانيولا»، وعلقت عليها قائلة: «ألف سلامة عليك يا نور عيني»، وهو ما أثار قلق جمهوره ومحبيه.
وكان أعلن مطرب المهرجانات مسلم، خلال الفترة الماضية، عن فسخ تعاقده مع منتج أعماله سلطان الشن وذلك عبر فيديو على صفحته بموقع التواصل الاجتماعي «إنستجرام»، قال فيه: «النهاردة أكتر يوم أنا مبسوط فيه في حياتي، عمري ما هنسى اليوم ده أبدًا، يوم رحمة من ذل وتعب وإرهاق وسنين معافرة»
وتابع: «النهارده تم فسخ العقد بيني وبين المنتج المحترم سلطان الشن، الحمد لله بشكر ربنا وبحمده على كل حاجة، أنا كان نفسي الحاجات دي تخلص بدون مشاكل بس أنا استنيت قانون بلدي وربنا نصرني والحمد لله مشيت مرضي».
وأضاف: «مش عايز حاجة غير إني أبقى في حالي وأشتغل، نفسي أكبر ويبقى عندي أمل أعمل حاجة لكن الموضوع ده كان معطلني وضاغط على نفسيتي، وبعد كدة مفيش قفل أغاني تاني ولا أي حاجة وحشة بتحصل لي».
واردف: «فيه حاجات كتير حلوة جاية وأغاني كتير بتتعمل جديدة ودويتوهات حلوة كتير.. أنا كنت نادر ندر أن لو ده حصل هدبح 3 عجول، إن شاء الله يومين وهدبحهم وكل اللي محتاج حاجة يكلمني، وأي أخت نفسها تفرح وأجيلها الفرح تكلمني».
