نجم الزمالك: «الأهلي كبير إفريقيا والعرب بعد الفوز على العين»
هنأ الإعلامي خالد الغندور، نجم الزمالك السابق، فريق الأهلي بعد الفوز علي العين الإماراتي بثلاثية نظيفة في بطولة كأس الإنتركونتيننتال.
أضاف خالد الغندور، في تصريحاته قائلًا: "مع كل الاحترام والحب للأندية العربية الشقيقة ولجهودهم في تطوير كرة القدم عن طريق إنهم بيشتروا أشهر المحترفين وأغلى المدربين فهل ده فعليا وعلى الأرض الواقع ويخلي زعامة الكورة العربية للهلال السعودي أو للنصر السعودي أو اتحاد جدة أو العين".
وواصل: "بكرر كل الاحترام للأندية العربية الشقيقة لكن زي ما قال شاعرنا المصري الراحل أمل دنقل: هي أشياءٌ .. لا تُشترَى..التاريخ مش محترف والانتماء مش محترف".
واكمل: "الأهلي والزمالك طعم تاني وروح تانية شعبية تانية وحالة تانية غير قابلة للاستنساخ وهنروح بعيد ليه الأهلي .. كبير أفريقيا والعرب هزم الهلال السعودي بترسانة محترفينه في كاس العالم للأندية ٤/ صفر".
وواصل: "وفاز على اتحاد جدة بقيادة بنزيما في السعودية ١/٣ والزمالك كبير أفريقيا والعرب فاز على الهلال السعودي في السعودية ١/٢وفاز بفريق احتياطي وناشئين على الأهلي السعودية ٣/صفر والنصر السعودي بقيادة الأسطورة كريستيانو رونالدو اتعادل مع الزمالك ١/١ بطلوع الروح في آخر خمس دقايق ده معناه إيه".
وأكمل: "معناه إن التاريخ والانتماء والجمهور.. تأثيرهم أعمق بكتير في الملعب من أي قوى مالية عارفين أنا بفكر في إيه فيه حاجات فعلا مش ممكن الإمكانات المادية تعوضهاهي حاجات واحدة مش بتتكرر".
تابع: "الأهلي والزمالك في الكورة العربية والأفريقية زيهم زي أم كلثوم وسيد درويش وعبد الوهاب، مهما تحاول وتخطط وتصرف، مش ممكن تنتج أم كلثوم تانية لتالت مرة".
وواصل: "بنحب أشقاءنا بنحترهم جهودهم في التطوير والتنظيم والمنشآت العظيمة لكن الروح .. الروح حاجة تانية ودايما هيفضل والأهلي والزمالك حاجة تانية قصدي حاجة أولى نسخ أصلية مش تقليد".
