جدو يرد على تصريحات عضو الزمالك عن بيراميدز: “لو طلبنا زيزو هيوافق؟”
رد محمد ناجي “جدو” مدرب نادي بيراميدز، على تصريحات أحمد سليمان عضو مجلس إدارة نادي الزمالك التي أشار فيها إلى عدم تعاون النادي مع الأبيض.
وصرح سليمان بأن هناك العديد من الأندية تتشدد في بعض الصفقات مع الزمالك، كما أن هذه الأندية تصرف الكثير على لاعبيها.
وقال جدو عبر حسابه على “إكس”: “الكابتن أحمد سليمان طلع إمبارح وهاجم بيراميدز وأندية الشركات، قال علامات استفهام علي بيراميدز عشان مش بيدوهم لعيبة وإنهم بيشتروا لعيبة وإنهم بيصرفوا كتير وبيدخلهم فلوس قليلة ومش بيسيبوا لعيبة تحترف”.
وأضاف: “أولًا بيراميدز إداهم عمر جابر ودونجا وعبدالله السعيد وهما دلوقتي أحسن لعيبة في الزمالك، وهل لو بيراميدز كلم الزمالك إنهم عايزين زيزو مثلا الزمالك هيوافق؟ وماسيبتش زيزو يحترف ليه؟ ثانيا طبييعي إن بيراميدز يشتري لعيبة ويقوي القايمة زي كل الفرق".
وواصل: “ثالثا ممكن تقولنا يا كابتن أحمد الزمالك بيصرف كام وبيدخله كام وهل بيكسبوا فلوس من الكورة، أكيد لأ. الزمالك دفع أكتر من مليار جنيه غرامات بس!! فممكن تقولنا الكورة في الزمالك بتكسب كام !!”.
وأتم: “رابعا من أول ما المجلس نجح في الانتخابات وكل لقاء تليفزيوني من أول الرئيس لأصغر عضو بيتكلم عن رمضان وعايزين رمضان صبحي مع إنه متعاقد مع النادي لمدة تلات سنوات ودي حاجة عمري ماشوفتها في أي حتة في العالم لا في مصر ولا بره مصر إن مسئولين نادي بيتلمكوا عن لاعب في نادي تاني وتعاقدوا ساري لمدة ٣ سنوات!! بصراحة إنتوا اللي عليكم علامات استفهام!”.
