أبرز تصريحات جميلة عوض مع صاحبة السعادة

تزوجت الفنانة جميلة عوض خلال هذا العام من المونتير أحمد حافظ، وشاركت الصور على صفحتها الخاصة بموقع الصور الشهير إنستجرام.

وطلت جميلة عوض على جمهورها في برنامج "صاحبة السعادة" الذى تقدمه الفنانة والإعلامية إسعاد يونس، وكشفت خلال اللقاء عن كواليس علاقتها بزوجها أحمد حافظ، إذ قالت: "وقت كورونا كان معجب بيا بس مكنش عنده وقت يركز معايا، مثلا بيكلمنى كل أسبوعين وبيسألنى عن الشغل أو عن مهرجان أنا فيه، أو يقترح نعمل خروجة، فأقول له شوف فلان وفلان".

واستكملت الفنانة أنه في البداية كانت تجمعهما علاقة صداقة سرعان ما تحولت لحب، قائلة: "وقت كورونا ابتدا يكلمني بشكل دائم، وأنا ابتديت أحس بالتعلق، وابتدا يقول لي بحبك وإديني فرصة أكون موجود في حياتك، وعادي لو مش عايزة إديني يومين وهنرجع أصحاب عادي، كان بيعدي وقت وأقول أكيد هيفيص مني ويقول مش قادر على موضوع الصداقة، لكن لقيته موجود وموريني اهتمامه".

واستكملت: "في نفس الوقت رزين في نفسه، ولما عدت سنة من غير ما يشتكي فعلا تعلقت به كصديق، ولقيته بيتعامل بنضج ومن غير ابتزاز وبطريقة صحية، وده حسسني بأمان جدا، وخلاني أبص له بشكل مختلف وتعلق أكتر، فكرة إنه ناجح في شغله وشاطر جدا، ومحبوب من كل الناس، وهو صديق خطير وجدع، واداني مواصفات الصديق جدا وعليها شوية حاجات، وأنا اتعلقت بالطريقة دي، إنه تقيل وموجود في نفس الوقت".