بكلمات مؤثرة أمينة تتذكر شقيقتها الراحلة
حرصت المطربة الشعبية أمينة على رثاء شقيقتها الراحلة عزة، والتي تحل اليوم الأحد ذكرى رحيلها.
وكتبت أمينة: "النهاردة ٧/٧ ذكرى وفاة أختى وأمى حبيبتي خمس سنين خمس سنين حصل فيهم حاجات كتير قوى كل اللى عايزة أقوله ليكى أنك وحشتينى جدًا جدًا جدًا وحضنك ده وحشنى قوى يا زوزة بصى أنتى كان وجودك مهم بشكل غريب بجد أنا عرفت قيمتك قوى دلوقتى".
وتابعت: "أنا عارفاها من زمان بس دلوقتى أكتر كنتى فاتحة البيت وكان قايم بحسك ونضيف وجميل دلوقتى تحسى انك داخله بيت طلبة مفيهوش روح ولا أى حاجة كرهت أدخل البيت وانتى مش فيه بجد كنتى حاجة مهمة أوى أوى أوى ولو انتى موجودة ما كانش اللى بيحصل ده بيحصل لسه وحشتينى يا أختى أوى أوى أوى. الفاتحة والدعاء لكل من رحلوا عنا.. أختي عشقي، وإسكندرية عشقي ذكرياتى فيها معاكى عشق الله يرحمك ويحسن إليكى يا أختى يارب".
