أحمد موسى لوزير التموين: «عندنا أزمة سكر وبلاش نقول للناس كلام معسول».. فيديو

انتقد الإعلامي أحمد موسى، وزير التموين الدكتور علي المصيلحي، على أزمة توافر السكر وأسعاره المرتفعة، قائلا: "الناس مش عارفين يلاقو سكر ولو لقوه كيلو السكر بـ 50 و 55 جنيه فإحنا عندنا مشكلة كبيرة".

وتابع أحمد موسى، خلال حلقة اليوم، من برنامج "على مسؤوليتي"، المذاع على فضائية "صدى البلد": "إحنا إزاي مش عاملين حسابنا لكل ده وأزمة بقالها شهور مش عارفين نحلها وآجي أقول كلام معسول للناس ونسمعه بس لكن على أرض الواقع عذاب للمواطن".

واستكمل حديثه: "المواطن بينزل من بيته يقف طوابير بالساعات عشان يلاقي كيس سكر والأعداد تفوق كل التوقعات.. إحنا عندنا مشكلة وخناقات ومشاكل كبيرة حصلت في طوابير السكر أمام معارض أهلا رمضان".

واستطرد: "الناس كلموا وزير التموين بغضب وطلعوا غضبهم في وزير التموين اللي بيقولهم حاجة ويلاقوا الواقع حاجة تاني".

وانتقد الطوابير للحصول على السكر والزيت، قائلا: "الناس واقفين طوابير في مشهد صعب والمواطن لديه حالة غضب".