عمرو أديب للاحتلال: «بتموت الطفل اللي في الحضانة علشان مرعوب منه ومش عايزه يكبر».. فيديو
أكد الإعلامي عمرو أديب، أهمية الضغط على الجانب الإسرائيلي من أجل إيصال الوقود لقطاع غزة، قائلا: نقدر نضغط جدا حتى يتم إدخال الوقود لقطاع غزة خاصة لأنه أمر فعال للغاية.
وأشار عمرو أديب، خلال حلقة برنامج "الحكاية"، المذاع على فضائية "إم بي سي مصر"، إلى أن هناك حديث عن قدوم وفد إسرائيلي لمصر لبحث صفقة تبادل الأسرى في مقابل إدخال الوقود حتى تعمل المستشفيات والحضانات ويتم إجراء العمليات في جو طبيعي.
وتابع: أنت عارف يعني إيه بيعملوا عمليات دقيقة وجراحات على كشافات الموبايلات.. لم يعد شىء لأهالي غزة.
وتساءل: "هو العالم مستني إيه تاني وإيه الي ناقص يتعمل تاني؟.. يعلقوا الناس دي في مشانق جماعية ادام العالم".
واستطرد: "الطفل اللي في الحضانة أنت بتموته لأن أنت مرعوب منه ومش عايزه يكبر لأن العيال دي هتكبر وراك وهتستهدفك لأنه من أول ما اتولد بيسمع صوت القنابل ومش هيسيبك وكل واحد ليه تار مش هيسيبه لأن الأمور ليست بهذه السهولة التي تعتقدها إسرائيل".
