جمال شعبان يكشف أسباب دقات القلب السريعة

قال الدكتور جمال شعبان، عميد معهد القلب السابق، على صفحته الشخصية بموقع التواصل الاجتماعي فيسبوك، عن أسباب دقات القلب السريعة.

وكتب: "كهرباء القلب دقات القلب السريعة كلنا بنحس بيها وساعتها بنبتدي نقلق على نفسنا، ده من ايه طيب ؟هو انا محتاج أروح لدكتور كهرباء القلب ؟!، النهاردة احنا هنتكلم عن أسباب تسارع دقات القلب..ولما يحصل لي كدة أعمل ايه"

تابع: "دقات القلب السريعة بتحصل نتيجة عوامل كثيرة مثل نقص الهيموجلوبين (الأنيميا)، نتيجة التوتر، نشاط الغدة الدرقية أكتر من الطبيعي، عدم انتظام أملاح الدم البوتاسيوم الكالسيوم في الدم، مرض السكر بيعمل دقات قلب سريعة، انخفاض السوائل في الدم، وممكن تكون نتيجة اختلال وراثي في كهرباء القلب مولود به أو مكتسب نتيجة مرض في القلب في الصمامات أو في العضلة أو في الشرايين التاجية أو مرض في النظام الكهربي للقلب."

وأضاف: "طيب لما أحس ان دقات قلبي سريعة ممكن أعمل ايه :كبح جماح التوتر والقلق ، والتماس الهدوء والاسترخاء ، الامتناع عن التدخين أو مجالسة المدخنين، شرب السوائل المفيدة، استخدام الأملاح بطريقة معتدلة، أحيانًا التنفس بعمقـ، أو التعنية أو الكحة ممكن توقف ضربات القلب السريعة".