«مصر قوية لا تُمس».. رسائل حاسمة من «السيسي» للجميع

يشهد الرئيس عبد الفتاح السيسي، عبر الفيديو كونفرانس، الموقف التنفيذي لعدد من النماذج لمشروعات المبادرة الوطنية لتطوير الصناعة المصرية ابدأ، ضمن فعاليات افتتاح الملتقي والمعرض الدولي السنوي للصناعة فى دورته الثانية.

إنشاء المجمعات الصناعية لتوفير الجهد

قال الرئيس عبدالفتاح السيسي، إن إنشاء الدولة للمجمعات الصناعية تستهدف توفير الجهد والوقت على المصنعين والمستثمرين، متابعًا: "إحنا بنقول إن تصنيع مكونات ومعدات معالجة محطات الصرف الصحي ومياه الشرب موضوع مهم قوى، لأننا هنستهلك منه كميات كبيرة خلال برنامج حياة كريمة وعدد محطات المعالجة والصرف والرفع اللى بتتعمل هتحتاج كميات ضخمة من هذه المنتجات، والدولة ما بتجريش ورا الربح لكن توفير هذه المنتجات من شأنه خلق فرص عمل".

وأضاف: "المنشأت المدنية بالأرض لها تكلفة طيب أنت دفعتها سواء استثمارات خاصة أو تمويل من البنوك بقول الكلام ده لكل اللى بيسمعني، أنا مثلا صرفت في المنشآت 200 مليون جنيه وخطتك ودراسات الجدوى تقول أعمل اللى هعمله في 5 سنين".

واستكمل: "طيب لو أنا عملتلك المنشآت دي وأنت حطيت استثمارات كلها وتجيب المعدات، وبدل ما تعمل المشروع في 5 سنين تعملها في سنة أو سنتين، أنا بعملك كده علشان أشجعك، مش علشان أشاركك في الربح، ولما جينا عملنا التجمعات الصناعية الـ 15 عملناهم طبقا لمتطلبات التجارة والصنعة بدل ما المستثمر يبذل جهد وياخد أرض وتترفق علشان يجيب المعدات قلنا نوفر كل ده ونديله المنشأة وعليها الموافقات كلها يبقا كده وفرت جهده ويبقا ودوره يجيب المكن بتاعه ويتشغل قصدت من ده نموذج بحكى عليه للناس لو إحنا كدولة مستعدين نخش في الموضوع ده المستثمر حاطط استثماراته للمنشأت المدنية طيب أنا بعملهالك ممكن تكون متصور أن أنا بعملهالك علشان أشارك في أرباحك؟ لا، لو عملت منشأة هعمل لك المنشأة طبقا للمواصفات اللى أنت عاوزها وتركز جهدك في أنك تجيب المكن اللى تشتغل بيه".

وتابع: "كما أن الطرح لكل الناس اللى بشتغل في الصناعة وهذه الآليات تتعمل إزاى؟ما عرفش، لكن مستعد اعمل كده خفضنا جدا في تكاليف هذه المنشآت من باب إنى ما بقاش عبء على المطور ووفرتله علشان يركز ويجيب المكن والمعدات علشان يشتغل الخلاصة بقول لاتحاد الصناعات، ويبقا جسر ما بين الشركات والمستثمرين الراغبين في الدخول في هذه المنظومة".

تحذير من اتساع رقعة الصراع

وعن القضية الفلسطينية، قال الرئيس عبد الفتاح السيسي "حذرت مراراً وسابقاً من أن اتساع نطاق الصراع ليس في صالح المنطقة".

مصر قوية لا تُمس

وقد أكد الرئيس عبد الفتاح السيسى، أن مصر دولة قوية جدًا لا تمس، محذرًا من اتساع رقعة الصراع بسبب الأحداث في غزة، قائلاً: اتساع الصراع يحول المنطقة إلى قنبلة موقوتة، مؤكدا: "مصر دولة قوية جدا لا تُمس".

شكر للجمعية العامة للأمم المتحدة

كما عبر الرئيس عبدالفتاح السيسي، عن شكره وتقديره لقرار الجمعية العامة للأمم المتحدة الداعي لوقف الاقتتال في غزة، قائلا: "محتاجين نسجل بتقدير قرار الجمعية العامة إمبارح بوقف الاقتتال والهدنة، ده مهم قوى لأن حالة الغضب والاندفاع في رد الفعل قد نندم عليه بعد كده عندما تخرج الأمور عن السيطرة وبحذر منه".

وأضاف السيسي:"إمبارح كان فيه طيارات مسيرة دخلت وتم إسقاطها أيا ما كان اللى جت منه، وحذرت أن اتساع الصراع ليس في مصلحة المنطقة، والمنطقة هتبقى قنبلة موقوته تؤذينا كلنا ومصر دولة ذات سيادة، وأرجو كلنا احترام سيادتها ومكانتها".