«حلم المصريين كبير».. أبرز رسائل الرئيس السيسي خلال مؤتمر حكاية وطن

شهد الرئيس السيسي مؤتمر حكاية وطن بين الرؤية والانجاز، بالعاصمة الإدارية الجديدة، ووجه خلالها عدة رسائل هامة للمصريين.

ووجه الرئيس السيسي، رسالة للشعب، قائلا: "كلمة واحدة عاوز أقولها للناس، ده اللى أحنا عملناه وعندكم فرصة في الانتخابات الرئاسية اللى جاية، عندكم فرصة للتغيير، حد يقول كده، اه بقول كده، الأمر كله لله، اللي ليه حاجة ياخدها".

قناة السويس

وعن ازدواج قناة السويس، قال السيسي: "الكلام ده كان بيتعمل وأنت مش بس بتحارب إرهاب أنت عندك أبواق كذب وافتراء وشائعات شغالة في كل إجراء ومسار تعمله، أنت كمان مش محل تقدير من ناسك اللى بتعمل لأجل خاطر ربنا وخاطرهم، لا ده كمان بيتم الإساءة لك والإساءة إلى مسؤوليك هما وأسرهم، ومفيش حاجة بتروح عند ربنا كل كلمة كدب وإساءة ليها أجر، والمسؤول اللي أسئ ليه وبهتان ليه مش هيمشى كده، بنؤمن بالله هنقف ونتحاسب واللي هيحاسب ربنا اللى لا بيغفل ولا بينام، وكل تفاصيل المكر والإفك على مصر خلال الـ 10 سنوات اللى فاتت امتداد لبناء حالة من عدم الثقة للإنسان المصري تبقى جزء من الشخصية المصرية، تبقى متشككة غير واثقة في نفسها وبلدها، بناء فكر وجداني اتعمل خلال 40 و 50 سنة ويعتقدون انهم يقدروا يبنوا أمة ولا تبنى إلا البناء والإصلاح فقط لا على الخراب ولا الإساءة ولا بالتشكيك ولا الظلم ولا بالهدم، لما أقول عمل عمله مسؤول انه منقوص او فاسد بظلمه وبظلم جهده وعمله وبحط على العمل بتاعه تراب".

وأضاف الرئيس: "والثقة المفقودة والأمل الضايع كان أول حاجة إننا نعملها في قناة السويس إننا نعمل مشروع نجمع الناس حواليه وإحنا بنعمل ده كان الدكتور أشرف سيلمان كان وزير الاستثمار، قال إحنا نخلى بالنا إن إحنا عاوزين نعمله باقتصاديات قولتله عاوز أدى الأمل للناس وقولت هنعلن فتح باب المساهمة في إنشاء القناة بـ12% فايدة، وكانت الفائدة 10.5% ويا كامل يا وزير ربنا يكرمك ده ما كانش يتعمل ابداً في سنة أبدا أبدا والبانى طالع".

عوائد قناة السويس

وتابع السيسي: "64 مليار كانت عوائد الحكومة هتدفعها وهتبقى عبئاً على الحكومة وبقى في التزام عليا كدولة انى ادرج الأرباح للناس لكن كان العائد المعنوى في جموع المصريين كان دخل القناة من 4 إلى 4.5 أحنا النهاردة لما اتعملت قناة السوبيس النهاردة بنقفل الـ10 و10.5 السنة القادمة".

الانتخابات الرئاسية

وعن الانتخابات الرئاسية، قال السيسي، بنقدم حكاية وطن، وفي ناس معانا سياسيين، حد يقول عندكم فرصة في الانتخابات، "قال الله تعالى بسم الله الرحمن الرحيم.. قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ وَتُعِزُّ مَنْ تَشَاءُ وَتُذِلُّ مَنْ تَشَاءُ بِيَدِكَ الْخَيْرُ إِنَّكَ عَلَى كُلِّ شَيْءٍ قَدِيرٌ".

وأضاف: "ومحدش هيدي حد حاجة، ومحدش هياخد حاجة من حد إذا كتير من الناس، الحملات والسياسة والكلام من هذا القبيل، يا ترى عندنا يقين حقيقي في ربنا محدش ياخد أكثر من نصيبه وهل يقبل نصيبه ولا يقاتل، القتال فقط من أجل الوطن والبلد لكن نصيبه ده من ربنا".

التطوير

وعن حلم المصريين، أكد السيسي أن "حلم المصريين كبير، لم يتم تغطية التطوير الإداري الكبير والعمل داخل العاصمة الإدارية بالشكل المطلوب في الإعلام، وأنا هروح مجلس الوزراء في العاصمة الإدارية، ويتم تنظيم زيارات لضيوف المؤتمر من أجل التعرف على المقرات الحكومية".