حسين لبيب: «محدش يقدر يوقف عضو على باب الزمالك علشان لابس شورت»

أكد حسين لبيب المرشح على رئاسة نادي الزمالك، على حرية أعضاء الجمعية العمومية في التعامل داخل مقر القلعة البيضاء، مقارنة بالفترة السابقة.

وقال لبيب في تصريحات عبر برنامج "الحكاية" المذاع على قناة "إم بي سي مصر": "محدش دلوقتي يقدر يمنع عضو من دخول الزمالك علشان لابس شورت، أو حد يقول لواحدة إنتى لابسة إيه".

وتابع: "وبردو من الأشياء المزجعة في النادي، وجود ميكروفون عالي ومحدش عارف بتاع مين، الأول كان بيشتغل ثلاث ساعات ويزعج الأعضاء ومحدش كان بيعرف يقعد منه".

وشدد حسين لبيب: "أعضاء الزمالك قبل كدة مقدروش يستضيفوا ضيوفهم، إلا بموافقة مرتضى منصور، لو مكنش موجود لازم يستنوا لحد ما يوافق".

وأكد حسين لبيب خلال حواره، على أن فرع النادي في 6 أكتوبر لم يتم بدء العمل فيه حتى الآن، رغم حصول المسؤولين السابقين على مبالغ مالية خاصة بالاشتراكات، رغم وجود الأرض منذ ما يقارب من 20 عامًا.