«عيب اللي بتعمله».. مرتضى منصور يفتح النار على شيكابالا

فتح مرتضى منصور رئيس الزمالك المعزول النار على محمود عبد الرازق "شيكابالا"، قائد الفريق الأول لكرة القدم.

وقال مرتضى منصور في تصريحات عبر قناته على "يوتيوب": "شيكابالا بيقول إنه زعلان مني علشان مستحقات اللاعبين، ودا سبب غيابه عن الاجتماع البطولة العربية".

وتابع: "إحنا عمالين يا شيكابالا ندور على فلوس علشان نسدد غرامتك للشبونة لو ناسي، انت قلت أنا ابني تعبان علشان كدة محضرتش الجلسة".

وواصل: "الكابتن ميتمردش، الكابتن كبير خليك في نظرنا كبير، الأجانب ممكن يعملوا كدا لكن مش ابن النادي اللي يعمل كدا، انت حضورك أو عدمه مش هيفيد".

واختتم مرتضى منصور شيكابالا: "عيب متضيعش موهبتك، خلي ممدوح عباس صاحبك يفك الحجزعن أرصدة النادي في البنوك، المره دي جت في العارضة يا شيكابالا، أومال زيزو وفتوح يعملوا إيه رغم أنهم فاكهة الفريق، بص ليهم".

يذكر أن الفريق الأول لكرة القدم بنادي الزمالك ودع منافسات البطولة العربية، بعدما احتل المركز الثالث في مجموعته برصيد 4 نقاط.