مهر 8 مليون دولار.. شاب أمريكي يثير ضجة بقصته مع خطيبته المصرية
تداول رواد مواقع التواصل قصة غريبة من نوعها.
حيث نشر أحد رواد السوشيال ميديا منشور جديد يفيد بالتالي: دا على ريديت
شاب امريكي عنده 27 سنه مرتبط بواحده "مصريه" عندها 26 سنه
هو شغال software engineer مهندس برمجيات والى ميعرفش دى من اعلى الشغلانات فلوس فى العالم فلوسها حلوه يعنى
وهى فى طب.
وتابع: الشاب بيحكى وبيقول انهم بقالهم 3 سنين مع بعض مرتبطين عن بعد
وقريب اتفقو انهم يتجوزو فا وهما بيناقشو التفاصيل والحاجات المتعلقه بالجواز
قالتله انا عايزه 8 مليون جنيه عشان تتجوزنى ايوا الرقم دا صح عايزه 8 مليون جنيه يعنى حوالى 260 الف دولار .
وأردف: اما سألها ليه قالتله هتجيب العفش وتفرشلى الشقه الى ابويا جبهالى
وهتدفع تمن الفرح والدهب والمجوهرات وشهر العسل ووو
هو بيحكى وبيقول انا حسيت بالحزن هنا وازاى عشان يتجوزها لازم مبلغ كبير جدا زى دا حتى بالنسبة ليه .
وواصل: وهى بررتله دا ان دى الثقافه عندنا فى مصر وان دا العادى ودى التقاليد المصريه وانها من عيله غنيه ودا العادى بتاعهم ودا متوقع يعنى وهى شايفه دا العادى .
وأضاف: هنا هو بيحكى وبيقول انا مش فقير انا بعمل متوسط 80 الف دولار فى السنه
وهو دلوقتى محوش 16 الف دولار بس بيقول انا برضو مش هعرف ادفع كل دا .
وتابع: وقالتله كمان انه لو هينقل ويعيش فى امريكا فهو الى هيجيب البيت والعفش وكل تكاليف السفر والنقل
وبيسأل بقا بيقول هو دا طبيعي ؟ وارد عليها ازاى ؟ وانتم كمصريين بتتجوزو كدا ازاى ولا بتعيشو حياتكم كلها سنجل؟
طبعا الكونتس كلها كانت فى غايه الجمال .
وأردف: الشباب المصريين اتوصو وزياده اوى اوى
لدرجه انه فعلا عرف انه كان مضحوك عليه وهيكلمها تانى لو صممت على الهبل دا هيفركش معاها والشباب كلها قعدت تفهمه.
