بعد أزمة الشيبي.. حقيقة عرض حسين الشحات للبيع في الأهلي
كشف الإعلامي أحمد شوبير، حقيقة عرض حسين الشحات لاعب الفريق الأول لكرة القدم بالنادي الأهلي، للبيع بعد أزمته الأخيرة مع المغربي محمد الشيبي لاعب بيراميدز.
ودخل حسين الشحات في مشادة مع الشيبي عقب مباراة الأهلي وبيراميدز في الدوري، حيث تعدى لاعب الأحمر بالضرب على المغربي، الأمر الذي أدى لتفاقم الأزمة بين الطرفين.
وقال شوبير في تصريحات عبر برنامجه الإذاعي "مع شوبير": "إذا كنا هنجري ورا الكلام ده يبقى مش هنخلص، إزاي الأهلي هيبيع حسين الشحات اللي لسه مجدد ليه من أيام قليلة".
وتابع: "أنا بحذر إدارات الأندية وبوجهلهم كلامي، مش أي حد هيقول كلمتين هنمشي وراه، شوف الصح بتاعك وبتاع ناديك واعمله، إدارة الأهلي واعية جدًا".
وشدد: "إحنا مش هنبقى كل شوية تحت رحمة حد يكتب على السوشيال ميديا وهو اللي هيمشيني، كل واحد فينا بيطلع كمذيع وراه أهواء وله ميول، وطبيعي أو غصب عنه هيميل لده، وفي ناس بتحاول تخفي ميولها، الصح هو إنك تاخذ اللي يناسبك، وتسيب الباقي".
واختتم شوبير تصريحاته: "حسين الشحات أخطأ خطأ كبير وإدارة النادي الأهلي وقعت عليه عقوبة مالية كبيرة، ولجنة المسابقات عاقبته ماليا ووقفته، والشحات اعتذر للشيبي في الملعب، الأهلي عارف مبادئه وهو عارف هيمشي إزاي".
