بعد رحيله عن الأهلي.. رسائل مؤثرة من كهربا ومعلول لـ حمدي فتحي

حرص علي معلول ومحمود كهربا ثنائي الفريق الأول لكرة القدم بالنادي الأهلي، على توديع حمدي فتحي لاعب الفريق السابق والوكرة القطري الحالي.

وأتم حمدي فتحي إجراءات انتقاله لصفوف الوكرة القطري لمدة أربع سنوات، بعد رحيله عن النادي الأهلي خلال فترة الانتقالات الصيفية الجارية.

وكتب علي معلول عبر حسابه الرسمي على موقع تبادل الصور "إنستجرام": "لحظات الوداع لحظات صعبة خصوصًا لما يكون صديق وأخ ولاعب كبير مثلك".

وتابع: "كلنا بنحبه وعشنا سوا ذكريات كتير جميلة، ربنا يوفقك في خطوتك الجاية، وبتمنالك كل خير وأكيد هتوشحنا برشا".

فيما كتب كهربا: "مش عارف أقول إيه غير إن ربنا يكرمك ويوفقك يا أخويا وصاحبي الجدع، علشان تستاهل كل خير يا وش الخير عليا، وشكرًا لمساعدتك ليا في الملعب وبرة الملعب يا أنضف خلق الله".

واختتم: "هتوحشني أوي والله بس مستنيك ترجع بالسلامة علشان لسه الحكاية مخلصتش".

يذكر أن حمدي فتحي رحل عن صفوف الأهلي بعد أربع سنوات قضاها داخل القلعة الحمراء، نجح خلالهم في التتويج بـ 12 لقب، بين الدوري المصري، ودوري أبطال إفريقيا وكأس السوبر المصري والإفريقي وكأس مصر.