ميدو يكشف تفاصيل الفساد الكروي في مصر

كشف أحمد حسام ميدو تفاصيل الفساد الكروي في مصر، وناشد بضرورة تعديل الأمور الإدارية لتصبح إلكترونية في عملها.
قال ميدو في تصريحاته عبر برنامج الريمونتادا على قناة المحور: "لما باجي أتكلم عن فساد الكرة المصرية، في حاجة اسمها فساد إداري، لما لاعب بيعمل أي شئ مخالف في المباراة، يقولوا تقرير حكم المباراة أو المراقب، لو التقرير ده مرتبط بالنظام المتبع من جانب الفيفا مفيش حد هيقول كلمة، لكن لما النظام يبقى يدوي، الدنيا هتمشي بالتليفون والمراقب هيجيله تليفون وهيكتب"
وأضاف: "طول ما مفيش نظام، لازم كل الأمور الإدارية تبقى إلكترونية، عشان تبقى كل حاجة واضحة للجميع، كل حاجة لما تبقى يدوي فيها تغييرات بشكل خفي عشان أشخاص بعينها تقدر تتحكم في الإدارة"
واختتم: "ده اللي اقصده من فساد الكورة في مصر، فكرة إن الأمور الإدارية متبقاش إلكترونية تبقى كلها بالمعارف والتليفونات"