أغرب رغيف حواوشي بمصر.. من غير لحمة وسعره 15 جنيهًا
يعتبر الحواوشى من أشهر الأكلات الشعبية المصرية والتى يعشقها فئة كبيرة من المواطنين، والبعض يطلق عليه "دلع المعدة" لمذاقه المميز وخلطته العجيبة من لحوم وتوابل وغيرهم من النكهات السرية، والتى تختلف طريقة تحضيره بالعيش البلدى من شيف لآخر.
من 10 إلى 15 جنيهًا..الحواوشى الشعبى فى الزيادة
تداول رواد مواقع التواصل الإجتماعى منشورًا لأحد محبى الحواوشى بمصر، مذكورًا به أن رغيف الحواوشى زاد سعره 5 جنيهات، أى زاد من 10 إلى 15 جنيهًا.
نص المنشور خلط أسعار مع عم رجب
وكُتب بالمنشور: "الراجل بتاع الحواوشي اللي بشتري منه كان بيبع الحواوشي 10 جنيه فاجأة النهاردة لاقيته الرغيف بـ 15 جنيهًا قولتله، ليه ياعم رجب قالي انا مكنتش عايز أغلى بس كل حاجه خلاص غليت، ورغيف العيش بجنيه وتوابل وزيت وثوم حوالي 3 جنيه كده المجموع 4 جنيه، بصل وفلفل وطماطم حوالي 3 جنيه فيبقي المجموع ٧ جنيه، وتسويه وغاز وكهرباء ومايه وإيجار5 جنيه كده المجموع 12 جنيه وطبعا لازم نحط مكسب ٣ جنيه فبيطلع الرغيف بـ15 جنيه".
أغرب خدعة حواوشى بمصر.. من غير لحمة وبالتوابل والبصل
وجاءت التعليقات بطريقة كوميدية على وصف عم رجب حيث أنه ذكر رغيف العيش ووصف أسعاره بدون اللحوم، وكتب أحدهم "فين اللحمة يا عم رجب"، وآخر كتب "دا حواوشى نباتى ولا ايه"
