رد ناري من أحمد شوبير على رضوى الشربيني
رد الإعلامي أحمد شوبير، حارس الأهلي ومنتخب مصر على رضوى الشربيني بعد حديثها الأخير عن سجود زوجة حسن شاكوش في حفل زفازفها.
وقال أحمد شويير: "واحد يقولك كل حفلات أم كلثوم مكنش فيها ستات محجبات وواحده زعلانة إن في عروسة سجدت في يوم فرحها ممكن تقولولنا أنتوا حضراتكم عايزين إيه بالظبط ما كل واحد حر في طريقته".
في وقت سابق علقت الإعلامية رضوى الشربيني، على الجدل الذي شهدته مواقع التواصل الاجتماعي على صورة سجود زوجة مغني المهرجانات حسن شاكوش، خلال حفل زفافهما، قائلة: "العروسة سجدت تعبيرا عن فرحتها".
وأضافت رضوى الشربيني، خلال حلقة برنامج "هي وبس"، المذاع على فضائية "سي بي سي سفرة"، أن الكثير من الأشخاص طلبوا منها التعليق على هذه الصورة، معلقة: "هقول إيه ست فرحانة بتعبر عن فرحتها.. يمكن هي شايفة حسن شاكوش الراجل اللي تعمله الحركة دي في الفرح قدام الناس".
وتابعت: "صحيح هي حركة أوفر جدا وآخر حاجة كنا بنشوفها إن لاعيبة الكورة يسجدوا لما يجيبوا جون، آخر حاجة شوفناها إن العرايس لما تبقى فرحانة أوي وسعيدة تبوس إيد جوزها أو راسه أو تحضنه لأن ربنا رزقها بزوج صالح".
واستكملت حديثها: "مشوفناش إن واحدة ست تسجد في فرح شكر لربنا قدام الناس والصحفيين.. مشوفناش الكلام ده قبل كده ولكن من حق كل واحد إنه يعبر عن فرحته".
ووجهت حديثها للفتيات، قائلة: "ميصحش إن واحدة ست هانم تنزل على الأرض أمام الناس علشان تعبر عن فرحتها".
