«ربنا صاحب المكان».. شاهد سيدة تجهز 1000 وجبة يوميًا لـ ضيوف الرحمن وتزف مفاجأة للعُزاب

تداول رواد مواقع التواصل الاجتماعي، مقطع فيديو لسيدة تدعى "عزيزة"، تقوم بعمل مائدة رحمن يوميًا تتضمن 1000 وجبة، في منطقة امبابة "شارع المطارأسفل كوبري عرابي".

وقالت السيدة خلال الفيديو: "أنا هنا مش صاحبة المكان، ربنا صاحب المكان، وفي مائدة يومية طوال العام، ولو أي عريس عايز يتجوز يجيي ينورني هعمله فرحه الصبح".

وأضافت: "مرت عليا أيام صعبة أوي، ولكن نعمة ربنا عليا أني خدامة عندهم، والفكرة جت من أني مش عاوزه أشوف حد جعان، بدأت أعمل أكل للناس لحد ما نعمل مائدة كل يوم".

وتابعت: "الأكل مش ثابت، النهارده عاملين عدس، مرة فراخ، مرة لحمة، مرة تانية فول بطماطم".

وأكملت: "لو في عريس عاوز يتجوز هعمله فرح بكره الصبح، أنا بعمله بالكامل، في أسر من اللي بيوتهم اتحرقت بساعدهم وبقف جمبهم، مبتعبش من ده لآخر يوم فعمري لأني بحب ده، بحس بسعادة كبيرة، لأني واهبة حياتي لله".