ياسمين عز: «لو جوزك مهندس حسسيه بالحنان لأن حياته كلها مربعات ودواير ومستطيلات ومحتاج يرتاح»
قدمت الإعلامية ياسمين، عز مجموعة من النصائح للسيدات، للتعامل مع أزواجهم بشكل صحيح، على حد قولها.
وقالت «ياسمين»، في حلقة من برنامجها «كلام الناس»، الذي يعرض على قناة «إم بي سي مصر»: «ليه بتنادي على جوزك حاف، قولي لجوزك يا أستاذ، بلاش دي لو اسمه محمد ليه بتنادي وتقولي محما وتاكلي آخر حرف من اسمه، يعني ينفع لو اسمك سماح يقولك يا سما، هتعملي مشكلة وتقولي إنه بيخونك مع واحدة اسمها سما، قولي له أستاذ للتفخيم ومحمد للتنعيم الشتوي».
وتابعت: «لو جوزك مهندس لازم تحسسيه بالدفا والحنان، لأن حياته عبارة مربعات ودواير ومستطيلات، ومحتاج يرتاح، قولي له الباشمهندس، وفخمي فيه قدام صحابك».
واستكملت: «سيبي لجوزك أكتر من رف، ورتبي دولابه، واهتموا بملابسهم وسيبولهم رف في الدولاب عشان تاخدي حسنات، الرجالة حاسة بقهر بسبب موضوع الرف ده».
