مستشفى السرطان بتقفل.. الفنان عمرو يوسف يناشد جماهيره لإنقاذ حالات 57357

ناشد الفنان عمرو يوسف، جميع المواطنين لإنقاذ حياة مرضى السرطان، وتحديدا في مستشفيات 57357.

وظهر عمرو يوسف في فيديو له، عبر صفحته الرسمية بموقع التواصل الاجتماعي لتبادل الصور والفيديوهات "إنستجرام"، ليطالب الجمهور بالتبرع وإنقاذ المستشفى قبل الانهيار.

وقال عمرو يوسف :مساء الخير، ياارب الكل يكون بخير، باختصار شديد محدش طلب مني أعمل الفيديو ده، مستشفى 57357 المكان العظيم ده مع الأسف حالته صعبة والحالات وضعها صعب المكان ده بيقفل".

وتابع: "المكان ده قائم على التبرعات، ومع الاسف الظروف الاقتصادية واقعة مع الكل، بس نحاول ونساعدهم قدر المستطاع، فرع مستشفى 57 في طنطا قفل بسبب أن مفيش تبرعات اللي يقدر يساعد ياريت يساعد، اللي كان بيتبرع ب 1000 يتبرع ولو بـ 500 واللي تقدر عليه يعمله".

واختتم حديثه: "أنا شخصيا مع أي أزمة فلوس بطلع أتبرع ربنا بيكرمني وألاقي فعلا ربنا رزق جرب وشوف".