«امشي بدل ما أكسر رجلك التانية».. لاعب الأولمبي يكشف واقعة صادمة مع ناديه

كشف هاني السيد لاعب الفريق الأول لكرة القدم بالنادي الأولمبي، عن واقعة صادمة مع مسؤولو النادي السكندري بعد تعرضه للإصابة بقطع في الرباط الصليبي.

وكتب لاعب الأولمبي عبر حسابه الرسمي على موقع التواصل الاجتماعي "فيسوك": "النهاردة روحت النادي الإولمبي، كلمت الكابتن حسن مفيد أمين الصندوق بكل أدب واحترام".

وتابع: "بقوله قبض اللاعيبه نزل وأنا اسمي مش في الكشف، وأنا اتصابت في النادي في ماتش رسمي ومحتاج القبض وفلوس تأهيل الصليبي، قالي امشي عشان مكسرلكش رجلك التانية".

وواصل: "وروح اشتكي، قولتله مينفعش اشتكي الأوليمبي عشان دا نادي كبير وأنا بحبه، قالي لو راجل روح اشتكي، وأنا مقصرتش في حق النادي، ومكنتش عاوز أعمل مشكلة بس الراجل دا بيعايرني بالاصابة بتاعت ربنا وحسبى الله ونعم الوكيل، وأنا هعرف أخد حقي من اتحاد الكرة".

يذكر أن هاني السيد انتقل لصفوف النادي الأولمبي، خلال فترة الانتقالات الصيفية الماضية، قادمًا من فاركو لمدة موسمين، ضمن 19 صفقة أبرمها النادي السكندري مطلع الموسم الجاري.