الشيف نصرت ينشر فاتورة أحد زبائن مطعمه بحوالي 4 ملايين جنيه مصري

تداول عدد من نشطاء مواقع التواصل الاجتماعي فيس بوك صورة من مطعم الشيف نصرت لفاتورة أحد زبائن مطعمه بحوالي 4 ملايين جنيه مصري.

وأثارت الصورة ردود فعل قوية على منصات التواصل الاجتماعي، والتي لم تخلو من السخرية.

وكتب ناشط؛ واحد من الزباين راح اتعشى إمبارح بليل في مطعم الشيف نصرت ف ابوظبي .. تمام ؟، الراجل والحاشية بتاعته اللهم صلي على النبي طلبوا طلبات خلو في الآخر نصرت نفسه ينشر الفاتورة بتاعتهم على انستجرام، وفاتورة العشوة طلع قيمتها 615 ألف درهم يعني يعملوا بتاع 3 ملايين جنيه مصري.

وكتب آخر دي فاتورة مطعم الشيف نصرت في الإمارات

بـ 615 الف درهم ، يعني ب 4 ملايين جنيه مصري.

الشيف نصرت منزلها على صفحته وكاتب عليها "الجودة عمرها ما كانت غالية"

وكتب آخر: الشيف نصرت كوكشيه نشر هالفاتورة بقيمة 615000 درهم إماراتي ما يعادل 160 ألف دولار.

عملت بحث بسيط عن أسعار الأكل مقابل الدولار طلع حق طبق الغولدن بالكافا لي بيعمله الشيف نصرت مغلف بورق الذهب عيار ٢٤ قيراط رخيص حد المشروب النبيذ المطلوب لي حق ٧ قناني 130 ألف دولار، ما بعرف إذا صح حكي أو غلط بس هالمشروب نبيذ سوبر غالي كتير كتير.

ونشر آخر: 14 شخصا يا صديقي دخلوا مطعم الشيف نصرت في الإمارات.. ودفعوا مبلغ كده بسيط خالص 615 ألف درهم يعني بتاع 4 ملايين وشوية فكه، المهم دول كانوا شوية سواقين formula 1 يعني الـ title بتاعي في شغلي أعلى طبعًا.

أضاف: هما كانوا بيحتفلوا بنهاية الموسم وبيودعوا واحد من أقدم السواقين اسمه (sebastian vettel) وطبعًا الناس دي عقودهم بالملايين.

علق آخر: السؤال الأهم جدًا بقى، مين فتح إزازة المياه عشان يحاسب عليها؟

وسخر آخر: دي فاتورة مطعم الشيف نصرت في الإمارات بـ 615 الف درهم يعني ب 4 ملايين جنيه مصري الشيف نصرت منزلها علي صفحته و كاتب عليها "الجودة عمرها ما كانت غالية"، وأحنا زعلانين لما سندوتش الطعمية بقي بـ 4 جنيهات.