ضحية زواج مبكر تنهار على الهواء: جوزي قطعلي ودني وخد عيالي «فيديو»
كشفت مواطنة تدعى آية من محافظة الفيوم، تفاصيل معاناتها مع الزواج في سن مبكر، قائلة: "أول زواج لي كان عندي 14 عامًا، معقبة: "عندنا في البلد بيجوزوا البنت في سن 13 عامًا".
وأضافت آية، في حوارها برنامج "ساعة زمن" المذاع على قناة "صدى البلد 2"، قائلة: "أول جوازة ليا كانت عرفي وأهلي كانوا موافقين لكن أهل زوجي كانوا رافضين وكانوا بيعذبوني".
وتابعت باكية: "وأهل زوجي مرضوش يسجلوا بنتي لانه جواز عرفي وأنا كان سني صغير وأخدوا بنتي".
وأكملت: "بعد لما بنتي تمت عامين خدوا بنتي ومشوفتهاش تاني وزوجي مرضيش يديني بنتي، والجيران هما اللي كانوا بيشوفوا بنتي وبيجيبولي صورها".
وواصلت: "بعد أول زواج لي انفصلت عن زوجي، وجلست في بيت أهلي، ثم تزوجت مرة أخرى عندما كان عمري 16 سنة واتجوزت عرفي تاني، واهلي كانوا عايزني اتجوز تاني لانه مينفعش اقعد من غير جواز".
وأردفت: "اتجوزت واحد خلاني إنزل اشتغل في الشارع وكان بيشرب مخدرات كان بيضربني وقطع لي ودني عشان ياخد مني فلوس".
وأنهت بالقول: "أنا عايزه بنتي وعايزة عيالي يطلعوا أحسن مني، وأنا قاعدة مع أمي النهاردة، وأنا عايزه آمن مستقبل عيالي وعايزه اشتغل شغلانة كويسة".
