عارفة عبد الرسول تثير الجدل من جديد بتعاطفها مع أبناء المشاهير

أثارت الفنانة عارفة عبد الرسول، الجدل على مواقع التواصل الاجتماعي، بعد تصريحاتها التي نشرتها عن تعاطفها مع أبناء المشاهير والفنانين، موضحة معاناة الكثير منهم من اتهام البعض لهم، بأنهم لا يستحقون فرصة للعمل مثل آبائهم.

وأشارت عبدالرسول إلى أن هناك الكثير منهم موهوبون، ولكنهم يعانون من فكرة مقارنتهم بالآباء.

ونشرت عارفة عبد الرسول منشورا، عبر حسابها الشخصي بموقع التواصل الاجتماعي فيس بوك: "أنا متعاطفة جدًا مع أبناء المشاهير، الناس بيقولوا خد فرصة عشان ابن فلان، ومهما اتشقلب وعمل كتير لازم يقارنوه بالاسم الأصلي، ويفضل طول عمره متحمل رزالات مالوش فيها ذنب".

وأضافت الفنانة: بشتغل اليومين دول مع مخرج منهم، شايف كويس تفاصيله مالهاش حل، محترم مع الصغير قبل الكبير، ورغم خبرتى اللى على قدي، أقدر أقول إنه هايبقى مخرج كبير من اللى يتعدوا على الصوابع دول.

تصريحات عارفة عبد الرسول

وتابعت عارفة عبد الرسول: "ألاقي واحد جاي يعمل مشهد يقوله عشان أنت حفيد الأستاذ، جايبنى أعمل كلمتين وبس، واحد من المجاميع المفروض بيعلق يافطه فى المشهد وإحنا بنقوله يمين شوية شمال شوية.. قوم هو بيحرك اللوحة وبيترقص بطريقة غريبة".

واستكملت عارفة عبد الرسول: "المخرج يقوله بلاش كده حرك إيدك بس يقوله، إحنا تلامذة الأستاذ واتعلمنا منه.. طب يا سيدى كتر خيرك، ممكن تحرك إيدك بس، وهكذا.. والله بيصعب عليا، وهو بيقابل ده بابتسامة لطيفة قلبي عندك يا ابني.. المخرج.. عمر المهندس".