جيهان قمري: عادل إمام قال لي هقطعك بوس واستأذن مراته وما عملش حاجة عيب ولا حرام
تذكرت الفنانة جيهان قمري كواليس تعاونها مع الزعيم عادل إمام في فيلم عمارة يعقوبيان، مشيرة إلى أنه ساهم في نجاح مشوارها الفني.
وتابعت جيهان قمري خلال استضافتها في برنامج نص الكلام مع الإعلامية راغدة شلهوب: «عادل إمام قال لي هقطعك بوس في عمارة يعقوبيان واستأذنت مراتي، وقبلها كنا معزومين عنده في البيت في رمضان وكان بيحاول يهديني علشان كنت متوترة جدًا لأنهم خوفوني منه وكل مشاهدي كانت معاه، وبعدين لقيته مختلف بيضحك وبيتكلم عادي معانا».
وتابعت جيهان قمري: «الدور نجح جدًا ومش عارفة عملت الدور ده إزاي كنت سايبة نفسي خالص وكنت بتحرك بعنين عادل إمام، كنت حاسة أني بحلم، والتجربة كانت رائعة وما اعتبرتش أن ده تنازل علشان أطلع مع عادل إمام مقابل أني اتباس، حتى لما الناس قالت اتباستي قلت عادي هو باسني من خدي ما عملش حاجة عيب ولا غلط، ولما قريت السيناريو ما كانش فيه حاجة أوفر وهو اللي اختارني وقال أسألوها لو توافق».
وردت جيهان قمري على سؤال إذا كانت سببت لها المشاهد الجريئة في أزمة أو غيرة مع زوجها، قائلة: «كل شغلي ما كانش فيه حاجة أوفر، دي طبيعة فيا في حاجات كتير طبعي وبتصرف طبيعي، أنا دلوعة زيادة وغصب عني بيطلع ده في أدائي، وفي مشاهد لما عملت أدوار صعيدية تعبت علشان ابقى ناشفة، وسبب فشل استمراري في أي علاقة، لأني بهتم بشغلي جدًا ومش بشوف حاجة تانية وبركز في شغلي جدًا وبحب اشغل من قلبي، ممكن حتى صحابي يزعلوا مني حتى ماكنتش بشوف أهلي».
جيهان قمري تتحدث عن ياسمين صبري
وعلى جانب آخر تحدثت الفنانة جيهان قمري عن ياسمين صبري، قائلة إنها لا تمتلك موهبة التمثيل، لكنها تستغل أموالها لتصبح بطلة وتسعى خلف التريند.
وكشفت جيهان قمري خلال لقائها في أحد البرامج: «الفن مش تريند وأني راكبة طيارة خاصة والبس براند، وعمر ما الفلوس ما بتعملش بني آدم، البني آدمين هما اللي بيعملوا فلوس، لكن اللي مزعلني أن في ناس مش لاقيا تاكل والوضع الاقتصادي في الوطن العربي كله صعب، فمش كل نفس أصوره الأفورة وحشة، لكن ده لأنها بتتسلى، وهي ناجحة أنها تريند على السوشيال ميديا».
