خبيرة إتيكيت: «كلوا الأرز بإيديكم في هذه الحالة»
قالت ميرنا صلاح، خبيرة الإتيكيت، إنه لابد أن يكون الإنسان ملم بكل قواعد الإتيكيت على السفرة: «يعنى لو فى مكان 7 ستارز لازم أكون عارفة أتعامل مع الأدوات أو لو فى مكان شعبى أتعامل إزاى برضه».
ظهرت ميرنا ضيفة فى برنامج «صباح الورد»، على قناة «ten»، مع الإعلاميتان مها بهنسى وسلمى عادل، وأكدت أن مفيش قواعد فى السفرة ثابتة لأنها بتختلف فى الأماكن المختلفة أو المجتمعات الأخرى.
وأشارات: «مش من الإتيكيت لو أنا فى مكان شعبى أطلب شوكة وسكينة، لازم أتعامل على الوضع الموجود، لأن التعامل غير كده هيكون تعال وتكبر على أهل المكان».
وأردفت: «ولازم كل إنسان يعرف قواعد الإتيكيت داخل وخارج المنزل، ويعرف أن الإتيكيت مش فى الأكل بس، ولكن فى طريقة التعامل والتحدث والجلوس والوقوف».
وأكدت أن من أصول الإتيكيت اتباعها على حسب العادات والتقاليد الخاصة بكل دولة، قائلة: «مينفعش فى مصر أتناول الأرز بإيدى، لازم بشوكة وسكينة، بس لو فى دولة بتاكل بإيديها لازم أتعامل على تقاليدهم وعادتهم».
