بالفيديو.. «عليا النعمة بحبك» أغنية محمود عبد الرحيم لـ«المعلمة عسلية»
شارك الفنان محمود شعبان عبد الرحيم، في حفل زفاف المعلمة شيماء ابنة المعلمة عسلية، قائلًا: «أنا حاضر فرح حبيبتي المعلمة عسلية، وأي حاجة عندها أنا أخدمها برقبتي، دي أبويا موصينا عليها».
وأهدى محمود شعبان، مقطع أغنية لـ المعلمة عسليه قائلًا: «عليا النعمة بحبك.. عليا النعمة بدوب.. وحياة النعمة بعزك.. إييييييييه بس خلاص».
واحتفلت المعلمة عسلية، بزفاف ابنتها المعلمة شيماء باستخدام زفة الحنطور، وسط حضور أقاربها والمحبين لها بسوق الجمعة.
وقالت المعلمة عسلية في تصريح خاص لـ«بوابة مصر 2030»: «أهنئ كل الصحافة وكل الدنيا للي بتحبني واللي فرحانة معايا، وكل الدنيا اللي جاتلي أهلي وكل اللي فرح معايا بفرح معاه، وبقولهم كل سنة وانتم طيبين وتعود عليكم السنة بخير».
وأكملت المعلمة عسلية: «كل الناس اللي فرحانة معايا أنا طبعًا فرحانة بيهم عشان هما ليا وأنا ليهم، فرحة النهاردة اسمها فرحة عسلية الفرحة الكبيرة، وبقول لكل الدنيا وأهل الأردن، والسعودية اللي كلموني وبقولهم زي مبتفرحوا معايا بفرح معاكم».
اقرأ أيضًا: وصلة رقص من المعلمة عسلية في زفاف ابنتها
وأدت المعلمة عسلية وصلة رقص بالشارع أمام حنطور ابنتها، وسط زغاريد النساء من الأهل والمحبين، معبرة عن فرحتها بالحضور.
«ربنا يستر عرض الولايا»
وفي موقف كوميدي اشتكت العروس شيماء من فقد «هوايتها»: قائلةً: «أنا مش لاقية الهواية، كل الناس اللي شرفوني اخواني وحبايبي على دماغي، وفرحت كملت، والناس اللي مجت شمعاهم ظروف طبعًا، وكان نفسي يكونوا موجودين، أنا مبسوطة والله واخواتي على دماغي وكل حد جه شرفني، وربنا يبسطكم زي منا مبسوطة ويفرحكم زيي وربنا يستر عرض الولايا كلهم»
وقالت المعلمة عسلية: «أبوه قايلي خلي بالك منهم وأنا تحت رجلهم وتحت الصغير والكبير، دول حبايبي اللي منوريني ومنورين العالم كله، وبمسي على كل الدنيا مش مصر بس، إمبابة وأدب إمبابة، وكل الدنيا اللي جاية تفرح معايا أنا بفرح معاها الكويت كلمتني والفيوم وبني سويف والمعادي والهرم كلموني كل الدنيا فرحانين معايا، أنا فرحانة أوي».
