بالفيديو.. وصلة رقص من المعلمة عسلية في زفاف ابنتها شيماء
احتفلت المعلمة عسلية بزفاف ابنتها المعلمة شيماء باستخدام زفة الحنطور، وسط حضور أقاربها والمحبين لها بسوق الجمعة.
وقالت المعلمة عسلية في تصريح خاص لـ«بوابة مصر 2030»: «أهنئ كل الصحافة وكل الدنيا اللي بتحبني واللي فرحانة معايا، وكل الدنيا اللي جاتلي أهلي وكل اللي فرح معايا بفرح معاه، وبقولهم كل سنة وانتم طيبين وتعود عليكم السنة بخير».
وأكملت المعلمة عسلية: «كل الناس اللي فرحانة معايا أنا طبعًا فرحانة بيهم عشان هما ليا وأنا ليهم، فرحة النهاردة اسمها فرحة عسلية الفرحة الكبيرة، وبقول لكل الدنيا وأهل الأردن، والسعودية اللي كلموني وبقولهم زي مبتفرحوا معايا بفرح معاكم».
وأدت المعلمة عسلية وصلة رقص بالشارع أمام حنطور ابنتها، وسط زغاريد النساء من الأهل والمحبين المشاركين في حفل الزفاف، معبرة عن فرحتها بزفاف ابنتها.
اقرأ أيضًا: بالفيديو.. «عليا النعمة بحبك» أغنية محمود عبد الرحيم لـ«المعلمة عسلية»
«ربنا يفرحكم زيي»
وفي موقف كوميدي اشتكت العروس شيماء من فقد «هوايتها»: قائلةً: «أنا مش لاقية الهواية، كل الناس اللي شرفوني اخواني وحبايبي على دماغي، وفرحت كملت، والناس اللي مجت شمعاهم ظروف طبعًا، وكان نفسي يكونوا موجودين، أنا مبسوطة والله واخواتي على دماغي وكل حد جه شرفني، وربنا يبسطكم زي منا مبسوطة ويفرحكم زيي وربنا يستر عرض الولايا كلهم»
وقالت المعلمة عسلية: «أبوه قايلي خلي بالك منهم وأنا تحت رجلهم وتحت الصغير والكبير، دول حبايبي اللي منوريني ومنورين العالم كله، وبمسي على كل الدنيا مش مصر بس، إمبابة وأدب إمبابة، وكل الدنيا اللي جاية تفرح معايا أنا بفرح معاها الكويت كلمتني والفيوم وبني سويف والمعادي والهرم كلموني كل الدنيا فرحانين معايا، أنا فرحانة أوي».
نجل شعبان عبد الرحيم
وقال محمود نجل الفنان الشعبي الراحل شعبان عبد الرحيم: «أنا حاضر فرح حبيبتي المعلمة عسلية، وأي حاجة عندها أنا أخدمها برقبتي»
وأهدى المطرب محمود شعبان عبد الرحيم، مقطع أغنية للمعلمة عسليه قائلًا: «عليا النعمة بحبك.. عليا النعمة بدوب.. وحياة النعمة بعزك.. إييييييييه بس خلاص».
بالفيديو.. «عليا النعمة بحبك» أغنية محمود عبد الرحيم لـ«المعلمة عسلية»
