«سام» ترفع دعوى خلع على زوجها: «بيضربني وعايز أولادي يبيعوا مخدرات»
وقفت سيدة أمام محكمة الأسرة بزنانيري ويظهر عليها علامات التعب، ويقف بجوارها 3 من أولادها.
قامت سيدة تدعى سام. ج تبلغ من العمر 50 عاما، برفع دعوى خلع ضد زوجها، بعد زواج دام 20 عاما، وتحمل الدعوة رقم 4010.
تحدث إحدى أبنائها أمام لجنة التسوية قائلا : «أمي اتحملت كثير من أبويا ضرب وشتمية خلال 20 سنة جواز مكنش بيهمه قدام غريب ولا قريب».
وقالت الزوجة: «استحملت كتير منه عشان ولادي وكنت بدعي ربنا يهديه، بس لما أجبر ابني الكبير على بيع المخدرات معاه مقدرتيش استحمل، أنا ربيت وكبرت عشان أوظفه ويطلع محترم».
وتابعت الزوجة: «أنا أتجوزت بعد ضغط من أهلي أقنعوني أنه رجل ميسور الحال وهيحافظ عليا، ومحدش كان يعرف عنه حاجة، وبعد زواجي بفترة اكتشفت أنه تاجر مخدرات».
وأردفت: «أنه بعد فترة أصبح مدمن مخدرات، وحاول إجبار عيالي على بيع المخدرات معه، ولم طفح الكيل قولت أخلعه قلته أحسن».
